Нашақорлыққа жол-жоқ» «Бәріңде жарысқа»

qarmaqshy-tany.kz Евразия спорт кешенінде «Нашақорлыққа жол - ЖОҚ» «Бәріңде жарысқа» ұранымен жалпы білім беретін мектеп оқушылары арасындағы облыстық жарыстың ашылу салтанаты өтті.

Эстафеталық жарысқа Қызылорда қаласы мен облыстарынан құралған 5 команда қатысты. Қазалы ауданы №266 мектеп-лицей, Қармақшы ауданы №183 орта мектеп, Жалағаш ауданы №123 мектеп-лицей, Сырдария ауданы №137 орта мектеп және Қызылорда қаласы №23 мектеп-лицей.

Салтанатты шараны облыстық мәдениет және спорт басқармасы бұқаралық спорт бөлімінің басшысы Ғалым Сихымов ашып, биыл дәстүрлі түрде 28-рет өткізіліп отырған жарыстың мектеп оқушылары арасында салауатты өмір салтын қалыптастырудағы рөлінің маңыздылығын айтып өтті.

Сондай-ақ, Қызылорда облысы Полиция департаментінің Есірткі қылмысына қарсы іс-қимыл басқармасының аға жедел уәкілі, полициция майоры Мейрамбек Сұлтанханұлы өз құттықтау сөзінде балаларды нашақорлықтың алдын алу шараларымен таныстырып, барлығына сәттілік тіледі.

Айта кетейік, бұл жарыс бұған дейін әр аудан мектептері мен қала мектептері арасында өткізіліп, жеңімпаздары бүгін өзара сынға түсіп отыр.