"Спорт денсаулық кепілі"

qarmaqshy-tany.kz Тұрмағамбет ауылында Наурыз мерекесіне орай 1989 жылы мектеп бітірген азаматтардың демеушілігімен "Спорт денсаулық кепілі" тақырыбында мектеп оқушылары арасында аудандық жарыс өтті.

Жарысқа Ақжар, Тұрмағамбет, Алдашбай ахун, Қуаңдария, Көмекбаев ауылдарынан оқушылар қатысып бақ сынасты. Жарыстың нәтижесі бойынша Тұрмағамбет ауылы №29 мектеп оқушылары 1 орынмен, Алдашбай ахун ауылы 111 мектеп 2 орынмен, Ақжар ауылы №28 мектеп оқушылары 3 орынмен марапатталды.

Сонымен қатар Қармақшы аудандық жарыста үстел теннисінен 1 орын алып, облысқа жолдама алған Мұханбетқалиев Нұрдаулетке Астана қаласынан Назарбаев Әділжанның арнайы сыйлығын Нұрсұлтан Жалғасбаев табыстады. Жарыстың жоғары деңгейде өтуіне демеушілік жасаған 1989 жылы мектеп бітірген азаматтарға және 29 мектеп ұжымына ауыл әкімі атынан алғыс айтамыз.