Аймақ мұғалімдері спартакиадада ІІ орын иеленді

Сыр елінің ұстаздары Қазақстан мұғалімдерінің республикалық спартакиадасында ІІ орын иеленді. Тараз қаласында өткен аталған спартакиадаға аймақтан 42 мұғалім қатысып, командалық есепте 71 ұпаймен үздіктер қатарынан көрінді.

Айта кету қажет, аймақтың ұстаздары Қазақстан Мұғалімдерінің республикалық спартакиадасында үшінші рет жүлделі орынға ие болып отыр. Бұл көрсеткіш ұстаздар арасында салауатты өмір салтын қалыптасқандығын және тұрақты түрде ұйымдастырылып келе жатқан спорттық жарыстардың нәтижесі екендігі анық.