Алыс қашықтыққа жүгірудің әуесқойлары Алматыда бас қосты

Дәстүрлі халықаралық Алматы марафонына жерлестерімізден бөлек, алыс-жақын шетелдерден арнайы келген спортшылар бар. Осы ерекшелігіне байланысты Алматы марафоны Орта Азиядағы ең үлкен спорттық шаралардың бірі саналады. Бұндағы ең ұзақ қашықтық 42 шақырымды құрайды. Бұдан бөлек, орта және қысқа аралықтағы жарыстар бар. Тіпті биыл ұйымдастырушылар балалар арасындағы сайысты да бағдарламаға қосыпты. Олар 3 шақырымды бағындыруы керек. Негізгі жарыстар жергілікті уақытпен таңғы 8-де басталды. Енді ол шамамен 6 сағатқа созылады. Осынша уақытқа қаладағы бірнеше көше жабылып, көлік қозғалысы тоқтатылды.

24.kz