Карьерасын аяқтаған Хабибте қандай титулдар сақталмақ?
Карьерасын аяқтаған ресейлік Хабиб Нурмагомедов күрес чемпионатының (UFC) жеңіл салмақтағы абсолют чемпионы болып қала береді. Бұл туралы UFC басшысы Дэйна Уайт айтты, – деп хабарлайды TENGRINEWS РИА Новостиға сілтеме жасап.
Нурмагомедов 24 қазанда Әбу-Дабиде өткен жекпе-жектің екінші раундында америкалық Джастин Гэтжиді жеңіп, жеңіл салмақтағы чемпион атағын қорғап қалған болатын. Содан кейін ол карьерасы аяқталғанын мәлімдеген еді.
"Біз оған уақыт береміз. Ол чемпион болып қала береді", - деп келтіреді ESPN басылымы UFC басшысының сөзін.
