Жәнібек Әлімханұлы WBC рейтингінде үздік ондыққа кірді
Бүкіләлемдік бокc кеңесі (WBC) кәсіпқой боксшылардың жаңартылған рейтингін жариялады деп хабарлайды KAZ.NUR.KZ ҚазАқпаратқа сілтеме жасап.
Жаңартылған рейтинг бойынша Жәнібек Әлімханұлы (8-0, 4 КО) үздік он боксшының қатарына кіріп отыр. Бұл рейтингте бұрын 13-ші орында болған Жәнібек көрсеткішін едәуір жақсартып, оныншы орынға табан тіреді.
Жәнібек Әлімханұлы соңғы жекпе-жегін 9 қарашада Калифорния штатының Фресно қаласында өткізді. Ол канадалық Альберта Онолуносені (24-3-1, 8 КО) алтыншы раундта нокаутқа жіберіп, WBC Continental Americas және WBO Global титулдарын сәтті қорғады. "Қазақ бокс стилі" көктемде рингке қайта оралмақ.
