Қазақстандық спортшы Италиядағы жарыста топ жарды
Қазақстан чемпионы Алексей Луценко беделді италияндық бір күндік жарыс «Коппа Сабатинидің» жеңімпазы атанды, деп хабарлады Prosports.kz.
Алексей мәреге ұзақ қашықтық қалған кезде шабуылға шығып, 30 шақырымдай жеке-дара көш бастады. Нәтижесінде ол мәре сызығын екінші орындағы қарсыласынан бір минут бұрын кесті.
Осылайша, Луценко осы жексенбіде Йоркширде басталатын әлем чемпионатында фавориттердің қатарында болмақ.
Айта кетейік, Қазақстан чемпионы маусымдағы тоғызыншы жеңісіне қол жеткізіп отыр.
