ТАЗА АУА ЖҰТУ ҮШІН КҮРЕСЕЙІК
Салалық журналистиканы дамыту туралы немесе дамып жатқаны туралы жиі айтылады. Солардың ішінде экологиялық журналистика өзінше бөлек әңгіме. Алыс-жақынға зер салып қарасаңыз, 21 ғасырда экологиялық мәселе адамзаттың басын ауыртып, балтырын сыздататын басты тақырыптың біріне айналатынын түсінесіз. Сондықтан қалам ұстаған қауымға бұл салада тақырып көп. Экология десе, біз Арал тағдырынан, Байқоңыр, Семейдің жай-күйінен ары аса алмай жатқандаймыз. Ал қоршаған ортаға зиян келтіріп отырған бизнес объекттер туралы саралап, жиі жазып жүрміз бе? Ол объекттер ықпалды тұлғаларға тиесілі болса ше? Олармен қалай күресу керек? Бұл жағынан тәжірибеміз аз. Халықтың жанайқайын жеткізуге келгенде жалқаумыз. Мәселен, Алматы облысында құс етін өндіретін "Алатау құстан" шыққан жағымсыз иіс тұрғындарды мезі етті. Мұндай факт әр аймақтан табылады. Ендеше айтыңыз, жазыңыз. Құдайдың берген таза ауасын жұту үшін күресейік.P.S. Алматыда өтіп жатқан Еуразиялық медиа форумда экологиялық журналистиканың кәнігі маманы Нельсон Грейвсқа сұрақ қойғызып, орнымыздан тұрғызған осы мәселе еді.
