Жазғы дөңгелекпен жолға шықпаңыз: үш бағытта қозғалыс шектелді
8 қараша сағат 17:20-дан бастап ауа райының қолайсыздығына байланысты жазғы шиналармен жабдықталған көліктердің барлық түріне республикалық маңызы бар бірқатар автожол учаскелерінде қозғалысқа шектеу енгізілді, деп хабарлайды Egemen.kz.Ақмола облысы:
- Астана – Көкшетау – Петропавл – РФ шекарасы автожолының 18-232 шақырымы (Астанадан Щучинскіге дейін);
- Астана – Шідерті – Павлодар – Успенка – РФ шекарасы автожолының 16-200 шақырымы (Астанадан Павлодар облысының шекарасына дейін).
Павлодар облысы:
- Астана – Шідерті – Павлодар – Успенка – РФ шекарасы автожолының 200-254 шақырымы (Ақмола облысының шекарасынан Шідерті кентіне дейін).
Жол қозғалысын 9 қараша күні сағат 09:00-де қайта ашу жоспарланып отыр.
Қосымша ақпаратты 1403 байланыс орталығына хабарласып, тәулік бойы алуға болады.
