«ҚЫЗЫЛОРДА – ТАШКЕНТ – ҚЫЗЫЛОРДА» МАРШРУТЫ АШЫЛДЫ

Халықаралық бағыттағы жолаушы тасымалын жетілдіру мақсатында «Қызылорда - Ташкент - Қызылорда» тұрақты маршруты ашылды.Бұл жолаушылардың екі ел арасында барыс-келесін арттырып, жиі қатынуына мүмкіндік берді. Облыс орталығынан автобус күнделікті сағат 17-00 де жүреді. Билеттің құны – ересектерге – 3 мың, 7 жастан 12 жасқа дейінгі балаларға – 1 500 теңге.
Бүгінгі таңда облыс аумағында 212 елді мекенді аудан және облыс орталығымен байланыстыратын 211 автобус маршруты ұйымдастырылған.
Сонымен қатар, облыс орталығынан Астана, Алматы, Ақтөбе, Түркістан, Шымкент, Жезқазған, сондай-ақ, Сарыағашқа қалааралық автобустар қатынайды.
Көлік жүргізушілерінің айтуынша, жаңа бағытттағы автобус Ташкентке шамамен алты сағатта жетеді.