Өмір құндылықтары

Қармақшы аудандық прокуратурасы, аудандық пробация қызметі және жастар ресурстық орталығының бірлесіп ұйымдастыруымен пробация есебіндегі азаматтармен «Өмір құндылықтары» тақырыбында кездесу өтті.

Кездесуге аудандық прокуратураның аға прокуроры Е.Мусаев, пробация қызметінің бастығы Е.Әбілдаев, ауданның бас имамы Н.Рахметуллаев және жастар ресурстық орталығының директоры Н.Пірназаров қатысты.

Кездесу барысында азаматтарға отбасы құндылықтарын сақтау, құқық бұзушылықтың алдын алу және интернет алаяқтықтан сақтану мәселелері бойынша кеңестер беріліп, түсіндірме жұмыстары жүргізілді.

Сонымен қатар, «Руханият» орталығында орналасқан кітап көрмесін аралап, кітап оқудың маңыздылығы мен рухани құндылықтар жайында ой бөлісті.