"ДЕМАЛЫС" профилактикалық іс-шарасы

Қармақшы аудандық отбасын қолдау орталығы тарапынан Қазақстан Республикасы Ішкі істер министрлігі-нің Қызылорда облысының полиция департаментінің ұйымдастыруымен өткізіліп жатқан "Демалыс" жедел профилактикалық іс-шарасына сәйкес жергілікті полиция қызметкерлерімен бірлескен профилактикалық жұмыстар жүргізілді.

Аталған іс-шара аясында аудан бойынша бірқатар мекенжайлар араланып, өмірлік қиын жағдайдағы отбасылармен кездесу ұйымдастырылды. Тұрғындарға құқық бұзушылықтың алдын алу, жасөспірімдер қауіпсіздігі және отбасыдағы тұрақтылықты сақтау бағытында түсіндіру жұмыстары жүргізілді.

Сонымен қатар, әлеуметтік-психологиялық қолдау көрсету бойынша кеңестер беріліп, қажетті көмектер ұсынылды.

Мұндай бірлескен жұмыстар қоғамдағы қауіпсіздікті нығайтуға және отбасы институтын қолдауға өз үлесін қосады.