АТМОСФЕРАЛЫҚ АУА

Халықтың денсаулығына әсер ету дәрежесі бойынша тіршілік ету ортасының маңызды факторларының бірі-атмосфералық ауа. Ауасыз адам бірнеше минут қана өмір сүре алады, сондықтанда ауаның тазалығы бұл өте маңызды екендігін бәрімізгеде мәлім.

Ауаның ластануы екі жолмен жүреді: табиғи және адам тіршілігінің нәтижесінде (антропогендік).

Атмосфералық ауаның табиғи ластануы табиғи түрде пайда болады және әрқашан болған. Ластанудың бұл түріне желдің топыраққа әсер етуі нәтижесінде пайда болатын шаң жатады. Әсіресе, бұл процесс өсімдіктер жоқ немесе аз болған жерде - дала, шөл; мұнда жел топырақ бөлшектерін (құмды) оңай үрлеп, атмосфераға шығарады.

Атмосфералық ауаның негізгі ластаушыларына бірінші кезекте: жылу энергетикасы, қара және түсті металлургия, мұнай өндіру және мұнай өңдеу кәсіпорындары, автомобиль және теміржол көлігі кіреді

Ластанған атмосфералық ауадан зиянды заттар жерге негізінен жаңбыр мен қармен түседі, осылайша топырақты (ауылшаруашылық жануарлары мен құстарға арналған жемшөптерін өндіру үшін пайдаланылады), ауыз сумен жабдықтау көздерін ластайды; сондай-ақ ғимараттар мен құрылыстардың жай-күйіне жағымсыз әсер етеді.

Ауаның ластануы қазіргі уақытта әлемдегі қоршаған ортаға байланысты денсаулыққа ең үлкен қауіп болып саналады, бұл жыл сайын дүние жүзінде 7 миллион адамның өліміне әкеледі. Ауаның ластануы демікпеден қатерлі ісікке, өкпе ауруларынан бастап жүрек ауруларына дейінгі бірқатар ауруларды тудырады және нашарлатады.

Әр адам ауа ортасының жағдайын жақсартуға өз үлесін қоса алады және қосуы керек: қоқыс пен жапырақтарды өртемеу; табиғатта және су қоймаларында демалғаннан кейін қоқыстарды, сөмкелерді, бөтелкелерді қалдырмау (әйнек өрттер тудыруы және ормандарға елеулі зиян келтіруі мүмкін); барбекюде тамақ дайындау үшін көмірді пайдалану; қоқыстарды бөлек жинау; жеке автокөлікке уақтылы техникалық қызмет көрсету; жасыл желектер мен ағаштар отырғызу.

Адам үшін өмірлік маңызы бар атмосфералық ауаның жай - күйіне қамқорлық жасау-әркімнің міндеті!