"КІТАП - AMANAT" ПАРТИЯЛЫҚ ЖОБАСЫ АЯСЫНДА КЕЗДЕСУ ҰЙЫМДАСТЫРЫЛДЫ
Бүгін "Кітап-AMANAT" партиялық жобасы аясында кітапхана қызметкерлері мен білім саласы өкілдерінің қатысуымен "Барлық білім - кітапта" тақырыбында шара өткізілді.
Шараға "AMANAT" партиясы Байқоңыр филиалының Атқарушы хатшысы Мақсат Есбенбетов пен партия филиалы Саяси кеңесі Бюросының мүшесі Сейл Жұмадьяров қатысты.
"AMANAT" партиясының 2023-2027 жылдарға арналған "Халықпен бірге!" сайлауалды бағдарламасы аясында жыл сайын театр, кітапхана, коммуникация, білім беру және демалыс орталықтарын салу және жаңғырту көзделген. "Ұлттық тәрбие – ұлт болашағы" тәрбие беру тұжырымдамасы енгізіліп, еліміздің бүкіл әдеби мұрасы бірыңғай кітапхана платформасы негізінде цифрлық форматқа өткізіледі", - деді Мақсат Есбенбетов.
Өз кезегінде Сейл Жұмадьяров "Кітап-AMANAT" партиялық жобасы отандық әдебиетке деген қызығушылықты арттыруға, адамдарды оқуға ынталандыруға, қазақстандық авторлар мен кітап шығарушыларды қолдауға бағытталған маңызды жоба деп атап өтті.
Шара соңында қатысушылардың сұрақтарына жауап беріліп, ұсыныс-пікірлері тыңдалды.
Сондай-ақ "Кітап - AMANAT" партиялық жобасы аясында атқарылған жұмыстарды жүзеге асыруда белсенділік танытқан партия мүшелері "Алғыс" хаттармен марапатталды.
