МОНИТОРИНГ ЖҮРГІЗІЛДІ
«AMANAT» партиясы Қармақшы аудандық филиалының бастамасымен «Кедергісіз келешек» партиялық жобасы шеңберінде әлеуметтік маңызы бар бірнеше нысандардың мүмкіндігі шектеулі азаматтар үшін қолжетімділігіне мониторинг жұмыстары жүргізілді.
Мониторинг барысында нысандардың пандустармен, арнайы белгілермен, шақыру түймелерімен және арбаға арналған жолақтармен жабдықталу деңгейі назарға алынды. Сонымен қатар, өрт қауіпсіздігіне байланысты тиісті сала мамандарымен түсіндірме жұмыстары жүргізілді.
Мақсат — инклюзивті қоғам құру жолында кедергілерді жою және барлық азаматтарға тең мүмкіндік жасау. Сондай-ақ, өрт қауіпсіздігі шараларын сақтау.
