КОМИССИЯ ОТЫРЫСЫНДА ХАТТАМАЛЫҚ ТАПСЫРМАЛАРДЫҢ ОРЫНДАЛУЫ ҚАРАЛДЫ

Бүгін "AMANAT" партиясы Байқоңыр филиалы жанындағы партиялық бақылау комиссиясының отырысы өткізілді. Отырысқа "AMANAT" партиясы Байқоңыр филиалының Атқарушы хатшысы Мақсат Есбенбетов қатысты.

Жиынды партия филиалы жанындағы партиялық бақылау комиссиясының төрағасы Сейл Жұмадьяров ашып, жүргізді. Шара барысында партиялық бақылау комиссиясының жұмыс жоспары мен берілген хаттамалық тапсырмалардың орындалуы қаралды.

Күн тәртібіндегі мәселеге байланысты комиссия хатшысы Кенжегүл Муханованың хабарламасы тыңдалып, комиссияның І жартыжылдығы бойынша атқарылған жұмыстары қорытындыланды.

Сондай-ақ комиссия мүшелерімен алдағы уақытта өткізілетін отырыстардың ұйымдастыру жұмыстары пысықталды.