КЕДЕРГІСІЗ КЕЛЕШЕК: АУЫЛДАҒЫ НЫСАНДАРҒА МОНИТОРИНГ ЖҮРГІЗІЛДІ
Бүгін «AMANAT» партиясының «Кедергісіз келешек» жобасы аясында ауылдардағы бірқатар нысанда ерекше қажеттіліктері бар азаматтарға қолайлы жағдай жасау бағытында мониторинг жұмыстары жүргізілді.
Аталған жоба аясында құрылған мониторингтік топ мүшелері аудандық партия филиалының сарапшысы Алтынай Кенжалиева мен аудандық жұмыспен қамту және әлеуметтік бағдарламалар бөлімінің мүгедектермен жұмыс секторының меңгерушісі Мерей Тілеубай Қ.Пірімов ауылындағы дәрігерлік амбулаторияның мүмкіндігі шектеулі азаматтарға арналған бейімдеу талаптарына сәйкестігін қарады.
Зерделеу нәтижесінде бірқатар талаптардың орындалғаны анықталды. Сонымен қатар, анықталған кемшіліктер бойынша ұсыныстар беріліп, қажетті жабдықтарды орнату туралы түсіндіру жұмыстары жүргізілді.
