Мамыр – бірлік пен ерліктің айы
Мамыр айының халқымыз үшін тағылымы терең, мағынасы зор. Бұл айда ел бірлігін, ерлік пен батырлықтың, бейбіт өмірдің қадірін ұғындыратын ірі мерекелер атап өтіледі. Қызылорда облысында да бұл мерекелер кең көлемде, мазмұнды іс-шаралармен өтеді.
Атап айтар болсақ, 1 мамыр күні Достық үйінің алдында өтеді. Бұл күн – халықтың бірлігін көрсететін ерекше сәт болмақ. Сондай-ақ мемлекет басшысының құттықтауы жолданады. «Бірлік қоржыны» атауымен осал топтағы отбасыларға, мүмкіндігі шектеулі азаматтарды қолдауға бағытталған қайырымдылық акциялары ұйымдастырылады.
Облыстық дене шынықтыру, спорт және туризм басқармасы, қоғамдық даму басқармаларымен бірлесіп, Қазақстан халқының бірлігі мерекесі мен Қазақстан халқы Ассамблеясының 30 жылдығына орай «Бірлік жарысы» марафоны өткізіледі.
Ал, 7 мамыр - отан қорғаушылар күні. Отан алдындағы борышты өтеу - әр азаматтың парызы. 7 мамырда әскери қызметкерлер мен елге еңбегі сіңген азаматтар марапатталады. Ардагерлер мен сарбаздар жастармен кездесіп, ерлік сабақтары өтеді. Әскери бөлімдерде ашық есік күндері ұйымдастырылып, жастарды әскери мамандыққа баулу жұмыстары жүргізіледі. Мамыр айының әрбір мерекесі халқымыздың өткенін құрметтеу мен болашаққа сеніммен қарауға үндейді. Бірлік пен бейбіт өмір басты құндылық. Бұл құндылықтарды сақтау баршамыздың ортақ міндетіміз.
