Партиялық бақылау комиссиясының отырысы

"AMANAT" партиясы Қармақшы аудандық филиалы жанындағы Партиялық бақылау комиссиясының отырысы "Руханият" орталығы ғимаратында, аудандық ардагерлер кеңесінің мәжіліс залында өтті.

Партиялық комиссия отырысына комиссия мүшелерімен қатар, "AMANAT" партиясы Қармақшы аудандық филиалының Атқарушы хатшысы Ғ.Ақжігітов, аудандық ардагерлер кеңесінің төрағасы А.Мереков, сондай-ақ Чернобыль, Семей полигоны, Тәжік-Ауған соғысы ардагерлерінің қоғамдық бірлестіктерінің төрағалары қатысты.

Отырыстың күн тәртібінде үш мәселе қаралды. Олар

"AMANAT" партиясының Сайлауалды бағдарламасын іске асыру жөніндегі Жол картасының «Мәдени нысандардың қолжетімділігін қамтамасыз ету» бағыты аясында аудандық мәдениет және тілдерді дамыту бөлімі басшысының міндетін атқарушы Е.Ерсұлтанов баяндама жасады. Екінші, сайлауалды бағдарламаның орындалуы жөніндегі Дауылкөл ауылдық округі әкімі С.Зайыров есеп берді. Үшінші, Ұлы Отан соғысындағы Жеңістің 80 жылдығына орай ардагерлерге көрсетілетін әлеуметтік қолдаулар бойынша аудандық жұмыспен қамту және әлеуметтік бағдарламалар бөлімінің басшысы Р.Әбдіқасовтың есебі тыңдалды.

Отырыс қорытындысы бойынша бірқатар нақты ұсыныстар мен тапсырмалар берілді.