ЗЕРДЕЛЕУ ЖҰМЫСТАРЫ ЖҮРГІЗІЛДІ

"AMANAT" партиясы Қармақшы аудандық филиалының Атқарушы хатшысы Ғ.Ақжігітов, аудандық мәслихат депутаты, депутаттық фракция және Партиялық бақылау комиссиясының мүшесі М.Бекбаев, Қармақшы аудандық жұмыспен қамту, әлеуметтік бағдарламалар бөлімінің жауапты мамандары Жосалы кентіндегі "Руханият орталығы" мен Қармақшы ауылындағы фельдшерлік-акушерлік пункт ғимараттарына мүмкіндігі шектеулі азаматтардың кедергісіз кіру және шығу жағдайлары бойынша зерделеу жұмыстарын жүргізді. Бұл жұмыстар "Кедергісіз келешек" партиялық жобасы аясында жүзеге асырылып, қоғамда тең мүмкіндіктердің қамтамасыз етілуін арттыруға бағытталған. Мүмкіндігі шектеулі азаматтардың толыққанды қатысуы үшін инфрақұрылымдық өзгерістер мен қажетті шаралар қолға алынуда.

Зерделеу қорытындысымен мүмкіндігі шектеулі азаматтардың кіріп-шығуына ыңғайлы жағдай жасау бойынша жауапты мекемелерге ұсыныстар әзірленуде.