"Кітап - Amanat" партиялық жобасы аясында кітаптар көрмесі ұйымдастырылды

Бүгін "AMANAT" партиясы Байқоңыр филиалына қарасты "Бәйтерек" БПҰ ұйымдастыруымен "Кітап-AMANAT" партиялық жобасы аясында "Кітаптар сөйлейді" атты кітаптар көрмесі өткізілді.

Мақсаты: Оқырмандар мен оқушыларға кітаптың маңыздылығын түсіндіру, әдебиетке деген сүйіспеншілігін арттыру, кітап арқылы білім алу мен рухани өсу жолдарын көрсету.

Шара барысында кітапхана оқырмандары мен оқушылар әлемдегі ең ерекше кітаптармен танысып, арнайы ұйымдастырылған қойылым мен мектеп оқушысы Самал Тулебаеваның орындауында "Бипыл" әнін тамашалады.

Кездесуді қорытындылап, "Бәйтерек" БПҰ жетекшісі Жазира Садыкова кітап - адамзаттың мәдениетінің, тарихының, ғылымының қайнар көзі. Ол біздің болашаққа деген үмітіміз, білім алу жолындағы ұстазымыз. Кітапта әр адам өзінің өмірі мен армандарын табады, ал әр кітап - өз оқырманына аманат деп атап өтті.