Комиссия отырысында тұрғындардың арыз-шағымдары қаралды

Бүгін "AMANAT" партиясы Байқоңыр филиалы жанындағы Партиялық бақылау комиссиясының отырысы өткізілді.

Отырысқа "AMANAT" партиясы Байқоңыр филиалының Атқарушы хатшысы Мақсат Есбенбетов қатысты.

Биылғы жылы комиссияның алғашқы отырысында тұрғындардан партия филиалының қоғамдық қабылдау бөлмесіне түскен жазбаша және ауызша өтініштер қаралды.

Талдау жұмыстардың нәтижесі бойынша түскен арыз-шағымдардың көпшілігі денсаулық сақтау, жұмыспен қамту, әлеуметтік төлемдер мәселелеріне қатысты.

Комиссия отырысының қорытындысына сәйкес арыз-шағымдардың оңтайлы шешілуіне байланысты ай сайын жауапты мекеме басшыларының есебі тыңдалатын болады.

Сонымен бірге, жиын барысында 2025 жылға арналған Партиялық бақылау комиссиясының жұмыс жоспары пысықталды.