САУДА НЫСАНДАРЫНА МОНИТОРИНГ ЖҰМЫСТАРЫ ЖҮРГІЗІЛДІ

Аймақ басшысының тапсырмасымен комиссия негізінде құрылған жұмысшы тобы мүшелері сауда нысандарының қазіргі ахуалы, санитарлық жағдайы, ӘМАТ бағаларын мемлекеттік бақылау мәселелері бойынша сауда үйлері және шағын маркеттер мен үй жанындағы дүкендерді аралады.

Оған аудандық кірістер басқармасы, статистика басқармасы, кәсіпкерлік және өнеркәсіп, ауыл шаруашылығы мен жер қатынастары бөлімі, қоғамдық даму БАҚ өкілдері қатысты.

Сауда желілерін аралау барысында Жаңа жыл қарсаңында әлеуметтік маңызы бар азық-түлік тауарларының бағасын негізсіз өсірмеу, тазалық сақтау, бейберекет саудаға жол бермеу, қауіпсіздік шарттары, тұтынушыларға фискалды чек ұсынбаған сауда нысандарына түсіндірме жұмыстары жүргізілді.