Атқарушы хатшы тұрғындарды қабылдады

Бүгін "AMANAT" партиясы Байқоңыр филиалының Атқарушы хатшысы Мақсат Есбенбетов қала тұрғындарын қабылдады.

Қоғамдық қабылдауға келген тұрғындар әлеуметтік төлемдер мен мүгедектігі бар адамдарды тасымалдау қызметіне байланысты өтініштерді білдірді.

Әлеуметтік төлемдер мәселесі бойынша заң аясында түсіндірмелер берілсе, мүгедектігі бар адамдарды тасымалдау қызметіне байланысты өтініш Партиялық бақылау комиссиясының отырысында қаралатын болды.

Партиялық бақылау комиссиясы отырысының қорытындысына сәйкес тиісті ұсыныстар жауапты мемлекеттік органдарына жолданатын болады.