Е.Көшербаев атындағы №279 мектеп-лицейінде мектеп басшысы Фарида Оңдабайқызы “Үйренемін десең, үйрет. Үйретемін десең, үйрен” тақырыбында мектеп әкімшілігімен жұмыс өткізді.

Аталған шарада ұстаздардың “бес қыры” мен “үш маңызы” айдарымен қызықты сұрақтар қойылып, ұстаздарымыздан ұтымды жауаптар ала білді. Жұмыстың келесі бөлімінде мектебіміздің жас маманы Жақсылық Жұлдыз ұстаздармен тәжірибе алмасу мақсатында “Тығырықтан шыға біліңіз” тақырыбында қызықты ойын жүргізді.

Сонымен қатар математика пәні мұғалімі Сыдық Сымбат та “Мектебіңізді қаншалықты білесіз?” тақырыбында бейнекөрсетілім арқылы сұрақ-жауап ойынын жүргізіп, ұстаздарымыз тапқырлықпен тапсырмаларды орындай білді. Фарида Оңдабайқызының ұйымдастырған жұмысы да өз мақсатына жетіп, аға ұстаздарымыз, жас мамандарымыз өзара тәжірибе алмасты. Көрермендермен қызықты сауалдар жүргізіліп, көрермендер өз ойларын ортаға салды.

Мектептің жас мамандары бүгінгі шараға қатысқан ұстаздарымызға арнау өлең жолдап, керемет көңіл күй сыйлады. Жұмыс қорытындыланып, кері байланыс жасалып, қатысушылар керемет ойларымен бөлісе білді. Мектеп басшымыздың жұмысы өте жоғары дәрежеде өтті.