Әділ Қошалақов: Қиындықты бірлік қана еңсереді

Мемлекет басшысы су тасқынына байланысты Қазақстан халқына үндеу жариялады. Үкіметке нақты тапсырмалар берілді. Қазір жан-жақты жұмыстар қолға алынып жатыр. Мемлекет басшысы бұл жұмыстардың барлығы да тікелей өз бақылауында екенін айтты.
Президент тапсырмасымен жағдай күрделі аймақтарға Вице-премьерлер барып, сумен күрес жұмысын қадағалайды. Сонымен қатар Мемлекет басшысы жұртты дүрбелеңге салатын ақпарат таратпауға шақырды. Тек ресми, расталған мәліметке назар аудару керектігін еске салды.
Сөз соңында Қасым-Жомарт Тоқаев тасқынмен күресте күн-түн демей қызмет қылып жүрген құтқарушылары мен еріктілер және полицейлерге алғыс айтты. Осындай қиын-қыстау кезде бір жағадан бас, бір жеңнен қол шығару айрықша маңызды екенін атап өтті.