Жастар — есірткіге қарсы

qarmaqshy-tany.kz 1997 жылы БҰҰ-ның кезекті ассамблеясында 26 маусым – «Халықаралық нашақорлыққа қарсы күрес күні» деп бекітілген болатын. Содан бері айтулы дата әлемнің барлық дерлік елінде аталып өтіледі. Ғасыр індетімен қазір төрткүл дүние жұмыла күресуде. Осы орайда, аудандық «Жастар рухы» ЖҚ бөлімшесінің жетекшісі А.Өтешова «Жастар есірткіге қарсы» акциясын өткізді.

Іс-шара ауданның орталық алаңында ұйымдастырылып, онда нашақорлықтың салдары туралы түрлі роликтер мен қысқа метражды фильмдер көрсетілді. Сондай-ақ, бұл күні жылжымалы сенім пункті жұмыс істеп, қала тұрғындарына нашақорлықтың салдары туралы түсіндірме жұмыстарын жүргізе отырып, жадынама таратты.

Аталған акцияға, аудандық емхана қызметкерлері, Қармақшы Жастар Денсаулығы Орталығының психологі Ә.Кетебаева, Салауатты өмір салтын қалыптастыру кабинетінің маманы Д.Құлмырзаева, қоғам белсендісі Ә.Мерекова, Б.Төребаева және жас еріктілер қатысып, өз үлестерін қосты.