"Мен оқыған бір кітап"

qarmaqshy-tany.kz Т.Көмекбаев атындағы №250 мектеп-лицейінде "Оқуға құштар мектеп" жобасы аясында ұйымдастырылған "Мен оқыған бір кітап" атты READX жобасы болып өтті. Бұл жобаға қазақ-орыс 9-10-сынып оқушылары қатысып, өздерінің оқыған кітаптарын таныстырып, оқырмандарды қызықтыра білді.

Оқушыларымыз әдеби кітаптармен қоса, мотивацияға толы, тәрбиелік мәні зор кітаптарды оқитынын көрсете білді.

Жоба нәтижесінде "Үздік таныстырылым" номинациясына 10-сынып оқушысы Мырзабекова Тоғжан "Қазақтың Қанышы" кітабын, 10-сынып оқушысы Тоқбергенов Нұрмұхаммед "Думай и богатей" кітабын, 10-сынып оқушысы Асқар Гүлмарал "Өгей бала" кітабын үздік таныстырғаны үшін марапатталды. Басқа қатысушы оқушыларға мектеп директорының Алғыс хаты табысталды.

Ұйымдастырушы: қазақ тілі мен әдебиеті пәнінің мұғалімі Нақыпова Ақжанат