Қарым - қатынас күні

qarmaqshy-tany.kz №79 негізгі мектебінде педагог - психолог Қ.Саруаровтың ұйымдастыруымен "Психология - ғажайып әлем" апталық аясында мектеп мұғалімдер арасында "Мен ғажайыппын" тренинг өтілді.

Мақсаты: Педагогтар арасында қарым-қатынасты нығайту, жағымсыз көңіл-күйден арылу, күш-қуат жинау, өзін-өзі тану, құрметтеу, өзін еркін сезінуге көмектесу.

Жеке тұлғаның рухани өсуіне психологиялық жағдай жасай отырып, адамгершілік, сыйластық, әдептілік, шынайылық, адалдық құндылықтарын ұсынуға көмектесу.

Қатысушылардың өз ойларын ашық жеткізіп, бір-бірінің пікірін құрметтеуге, сеніммен қарауға бейімдеу.

Ұстаздарды жаңашылдықа, инновациялық әдіс тәсілдерді тәжірибелеріне енгізе отырып, логикалық ойлау қабілетін, шығармашылық ізденісін, ой-қиялын арттыру.

Міндеті: Жаңа қоғамдағы адамгершілік, патриотизм және педагогиканың ұйытқысы ретінде нәтижеге бағытталған білім беру іскерліктерін дамыту. Мұғалімнің эмоциялық көңіл-күйлерін көтеру, топтасып жұмыс істеу жүйесін әрі қарай дамыту. Ұстаздардың өз кәсібіне деген ынтасын арттыру.

Тренинг барысында: Мұғалімдерді "қоңыз" әдісі арқылы 2 топқа бөлінді.

1 – топ. «Ғажайыптар» тобы

2 – топ. «Жұлдыздар» тобы.

"Тұлға" әдісі арқылы педагогтар өз бойындағы «мұғалім» деген сөзге анықтама жазды. «Стакан пирамидасы» әдісі арқылы мұғалімдер топта бірігу арқылы ұйымшылдықпен стаканнан пирамида құрастырды.«Фото жинау» әдісі арқылы мұғалімдер 4 кубикті дұрыс қою арқылы бір бетіндегі суретті толық жинау.«Сиқырлы қорап» әдісі арқылы мұғалімдер бір – біріне есімдері жазылған қорапты беру арқылы бүгінгі «Мен ғажайыппын» тренинг арқылы қорытындылау мақсатында әр мұғалім өздеріне тиесілі сыйлығын алды. Тренингке ұстаздар көңілді әрі белсене қатысты.