Сыныптар бойынша өзін-өзі басқару
qarmaqshy-tany.kz Бүгін №85 орта мектебінде саптық жиын кезінде мектеп оқушыларының бастауыш сыныптар бойынша өзін-өзі басқару ұйымының президентін ұлықтау рәсімі өтті.
Мектеп директорының тәрбие ісі жөніндегі орынбасары Сәрсен Ғабит Абжамиұлы бастауыш парламентінің жаңа президенті 4 "В" сынып оқушысы Мухрадин Дінмұхаммед және фракция жетекшілерін жаңа лауазымға тағайындалуымен құттықтап, оларға толағай табыстар тіледі. Өз кезегінде, Дінмұхаммед оқушылар мен ұстаздар алдында салтанатты ант қабылдап, мектеп оқушылары мен ұстаздарының өзіне артқан жоғары сеніміне алғысын білдірді. Саптық жиынға қатысушы мектеп парламентінің президенті Н.Нағашыбай және фракция жетекшілері бастауыштың жаңа президентін құрметпен қарсы алып, бастауыш мектеп президенті мен фракция жетекшілеріне "Мектеп парламенті" төс белгілерін тағып, өз ықыластарын білдірді.
