Түркиядағы жер сілкінісі: 11 күннен кейін үйінді астынан тірі қалғандар табылды

Түркияда жер сілкінісінен он бір күн өткеннен кейін үйінді астынан екі адам құтқарылды, деп хабарлайды Tengrinews.kz тілшісі Anadolu басылымына сілтеме жасап.

26 жастағы Мехмет Али Шакироглу мен 34 жастағы Мұстафа Авчи жер сілкінісінен кейін 261 сағаттан соң Хатай провинциясы Антакия қаласы Одабаши ауданындағы үйінді астынан шығарылды.

Антакиядағы Одабаши ауданындағы үйінділерді тазалаған құтқару тобы қираған үйдің тақталары арасында қысылып қалған екі азаматқа жетті. Белсенді күш-жігерден кейін олар екеуін де тірідей шығарып үлгерді.

Аман қалғандарға алғашқы медициналық көмек көрсетіліп, ауруханаға жеткізілді.