«Балдырғандар математика әлемінде»

qarmaqshy-tany.kz Байқоңыр қаласындағы №275 орта мектебінде 30.01 - 03.02.2023 жылы аралығында бастауыш сынып бірлестігінде «БАЛДЫРҒАНДАР МАТЕМАТИКА ӘЛЕМІНДЕ» атты бастауыш сыныптар апталығы болып өтті.

Апталықтың мақсаты: бастауыш сынып оқушыларының математика пәніне қызығушылығын арттыру, шығармашылық қабілеттерін дамыту, белсенділігін арттыру, ұйымшылдыққа тәрбиелеу.

Бастауыш сынып оқушыларының барлығы өте жақсы қатысқан іс-шаралар оқушылар жұмысын ұйымдастырудың заманауи жолдарына арналды. 1-4 сыныптар арасында «Санамақтар сайысы», мәнерлеп оқу байқауы, тапқырлық тапсырмаларды шешу теориясына және шығармашылық тұлға дамыту теориясына негізделген 1-сыныптар арасында «Тапқыр балақайлар», 2-сыныптар арасында «Жұлдызды сандар», 3-сыныптар арасында «Математикалық квест», 4-сыныптар арасында «Қызықты математика», «Математикалық фуршет» сайыстарында білім алушылар өздерінің алғыр, зерек екендіктерін көрсетіп, сайыстар өте тартысты және қызықты өткізілді. Сондай-ақ, даярлық сыныптарда өткізілген «Математика әлеміне саяхат» сахналық қойылымы мен 3-4 сыныптар арасында өткен «Путешествие на математическом поезде» ойыны өте қызықты өтті. Апталық өз мәресіне жетті. Жеңімпаздар марапатталды. «Әр бала-болашақ данышпан» деп қарайтын, іс-шараны шебер ұйымдастыра білген бастауыш сынып мұғалімдерінің ерінбей еткен еңбегі, өзара ынтымақтастықпен жұмыс істеу арқасында келген үлкен жетістік.