Атадан балаға қалған игі ісін жалғастыруда
qarmaqshy-tany.kz Отбасылық кәсіп иелері биылғы жылы «Бизнестің жол картасы - 2025» мемлекеттік бағдарламасы арқылы «Фотосалонды кеңейту» жобасымен мемлекеттен 9.0 млн теңге қайтарымды несие алып ескі ғимаратты бұзып, қайта заманауи үлгідегі жаңа ғимарат негізінде кәсіптерін қайта жандандырып отырған кәсіпкерміз Ерлан Нағашыбаев - бақытын еңбектен тапқан жан.
Іскер жігіттің қарап отырмай өз кәсібін ашуына «Бизнестің жол картасы-2025» бағдарламасының шарапаты тиді. Соның арқасында жеңілдетілген несие алып, фотосалон ашты.
«Ерлан» фотосалоны Жосалы кенті, Абай көшесінде орналасқан. Мұнда суретке түсірумен бірге, компьютерлік безендіру, әрлеу, көшірме жасау, құжаттарды шығарып беру және канцеляриялық, мерекелік жиынтық тауарлар сату қызметтер ұсынылады.
- Кезінде осы кәсіпті әкем бастаған. Отбасылық кәсіпті дамытып, жалғастырғым келді. Ескі ғимаратты бұзып, қайта салдым. Ағымдағы жылдың шілде - қараша айлары аралығында ғимараттың құрылысын жүргіздік. Қазіргі таңда сыртқы әрлеу жұмыстарын аяқтап, іске қостық. Көптен бергі арманы орындалды. Алдағы уақытта жоспарларымыз көп,- деді Ерлан Нағашыбаев кәсіпкер.
