Аталған тренингті Департаменттің психологиялық қызметінің бастығы майор Нэлля Искакова өткізді. Іс-шараға Қызылорда гарнизонына қызмет көрсету жөніндегі әскери полиция бөлімшесінің аға офицері, әділет майоры Рүстем Жайымбаев қатысты.

Жиынды өткізудегі мақсат – әскерилердің отбасындағы шиеленістердің алдын алу мен психологиялық төзімділікті қалыптастыру болып табылады.

Тренинг барысында отбасылық келісімді сақтаудың маңыздылығы түсіндіріліп, жанұялық шиеленіс туралы сараптамалық анықтамалары бар бейнероликтер көрсетілді. Сонымен бірге жеке құраммен «Шиеленістердің түрлері мен жолдарын реттеу» тақырыбында психологиялық тренинг өткізілді.

– Қызылорда облыстық қорғаныс істері жөніндегі департаментінде, басқармасында және бөлімдерінде «Мен өмірді таңдаймын» онкүндігі барысында ауқымды шаралар өткізіліп келеді. Бұл бағыттағы жұмыстар жүйелі түрде ұйымдастырылу керек, – дейді майор Нэлля Искакова.

Әскери қызметшілердің отбасындағы ахуалдар мен өзге де шиленістерді шешуге бағытталған шараларды өткізу үнемі Департамент басшылығының бақылауында.