Ауданда 4 блок-бекет қойылды
Елімізде орын алған соңғы оқиғаларға байланысты 5-19 қаңтар аралығында елімізде төтенше жағдай режимі жарияланды. Төтенше жағдай кезінде негізгі шаралар мен шектеулер бекітілді. Сағат 23-00-ден 7-00-ге дейін коменданттық сағат енгізілді.Осыған сәйкес, Қармақшы ауданының полиция бөлімі халықтың қауіпсіздігі мен тыныштығын қамтамасыз ету жөнінде барлық қажетті жедел шараларды қабылдауда.
2022 жылғы 7 қаңтардан бастап аудан аумағында 4 блок-бекет қойылды. Жосалы кентіндегі 2 блок-бекетте 3 ауысым бойынша 4 адамнан 12 қызметкер, Төретам кентіндегі 2 блок-бекетте 4 ауысым бойынша 12 қызметкер, жалпы 26 тәртіп сақшысы блок бекеттерді үзіліссіз бақылауда.
Блок-бекеттерде автокөліктердің жүксалғышы тексеріледі. Онда күдікті, заңға қайшы келетін заттар қаралады. Жүргізуші де құжаттарын көрсетіп, заңбұзушылығы жоқтығы анықталғанда ғана блок-бекеттен өте алады.
