Аудан әкімі Қайрат Ырзақұлұлының шілде айындағы елдімекендерге іссапары аясында көтерілген өзекті мәселелердің бірі ауылдық жерлердегі интернет желісінің қолжетімсіздігі болатын.

Осыған орай, аудан басшысының тікелей тапсырмасына сәйкес ауыл тұрғындарына сапалы интернет желісін қамтасыз ету мақсатында жүйелі жұмыстар іске асырылуда.

Атап айтқанда қазан айында Қармақшы ауылы, Қызылтам стансасында 3 буынды (3G) интернет желісіне қосылса, бүгінде Жосалы ауылдық округіндегі жергілікті халықтың көптен күткен қуанышы 3 буынды (3G) интернет желісі іске қосылып отыр.

Сапалы интернет мүмкіндікті арттырып, қолды ұзартады. Тұрғындар мемлекеттік қызметтерді аудан орталығына бармай-ақ, электронды форматта ала алады.

Аудандағы интернет байланыс желілерінің сапасын жақсарту жұмыстары алдағы уақытта да жалғасын табады.