Сағынтаев: Балалар мектепке баруы үшін ата-анасы міндетті түрде вакцина алуы керек
Оқушылар мен студенттер арасында инфекцияның алдын алу үшін қала билігі екпе жасауға шақыруда, деп хабарлайды Stan.kz ақпарат агенттігі.
“Офлайн форматта басталуы тиіс жаңа оқу жылы қарсаңында оқушылар мен студенттер арасында инфекцияның алдын алу үшін вакцинациялау өте маңызды”, – деді Бақытжан Сағынтаев Алматы тұрғындарына осылай үндеу жасап.
11 тамыздағы жағдай бойынша коронавирус инфекциясының 115 060 жағдайы тіркелді, оның ішінде 95 087 симптоммен және 19 973 симптомсыз, 2104 анықталмаған пневмониямен ауырған. 10 тамыздағы жағдай бойынша анықталмаған пневмонияның жеті жағдайы тіркелді.
Жалпы сыйымдылығы 8910 төсектік инфекциялық ауруханаларда 5474 адам бар, оның 216-сы балалар. Ковидтік клиникаларда 228 науқас – өте ауыр, 1575 – ауыр, 3671 науқас – орташа ауырлықта.
Қалалық баспасөз қызметі инфекциялардың көбеюінің себебі тұрғындардың талапты сақтамауы, COVID-19 вирусының "дельта штаммының" өте жоғары жұқпалы болуы және отбасылық іс-шаралардың ұйымдастырылуы екенін атап өтті. 20-39 жас аралығындағы жастар арасында 1,6%-ға және 15-19 жастағы жасөспірімдерде 0,4%-ға инфекциялардың өсуі байқалады.
“Үкіметтің тапсырмасына сәйкес, 25 тамызға дейін медициналық қарсы көрсетілімдері бар адамдарды қоспағанда, мұғалімдер мен техникалық қызметкерлерге 100% вакцинациялауды қамтамасыз ету қажет. Сонымен қатар ата-аналар балаларының қауіпсіздігіне қамқорлық жасап, екпе алуы тиіс”, – дейді Сағынтаев.
Әкімдіктің мәліметінше, 20 тамызға дейін санитарлық талаптарға сәйкестігін тексеру аяқталуы тиіс, оның ішінде кварц, дезинфекция, маска режимі, күнделікті термометрия болады. Мектептер мен балабақшалар Ashyq жобасына 100% қосылған және 1 қыркүйектен бастап жүйеде жұмыс жасауға дайын. Бұл жүйе барлық білім беру ұйымдарында мұғалімдерге, қызметкерлерге және ата -аналарға енгізілген.
Білім берудегі жаңа технологиялардың ғылыми-әдістемелік орталығы, "Алматы дарыны" дарынды балалар мен дарынды жастарды анықтау мен қолдау орталығы, қалалық дене шынықтыру мен спорттың қалалық оқу-тәжірибелік орталығы, Алматы білім беру жүйесінің қызметкерлері балабақшалар мен мектептер, колледждер, интернаттар, қосымша білім беру ұйымдары, 100% вакцинацияланған. Бұл ұйымдарда барлығы 36 825 адам жұмыс істейді, ал 32 113 адам вакцинация жасаған.
