6 тамызда Қазақстанда коронавирус пен пневмониядан 122 адам қайтыс болды. 405 науқас өте ауыр жағдайда жатыр, деп хабарлайды Egemen.kz.



6 тамызда коронавирусқа (КВИ+) ПТР-сынамасы оң нәтиже көрсеткен 105 адам, COVID-19 белгілері бар пневмониядан(КВИ -) ПТР-сынамасы теріс болған 17 науқас қайтыс болды.
Пандемия басталғаннан бері барлығы 10 051 қазақстандық коронавирус пен пневмониядан қайтыс болған.
Сондай-ақ, 8 тамыздағы мәлімет бойынша 111 239 адам коронавирус инфекциясынан (107 348 КВИ+ және 3 891 КВИ-) емделіп жатыр, олардың ішінде:

•  30 633 пациент стационарда,
• 80 606 науқас амбулаториялық деңгейде ем қабылдап жатыр.

КВИ+, КВИ- шалдыққандардың арасында:

• 1 918 адамның жағдайы ауыр,
• 405 пациенттің жағдайы өте ауыр,
• 196 науқас жасанды тыныс алу аппаратында жатыр.