Қызылордада ауыл әкімдерін сайлау өтуде

Аумақтық сайлау комиссиялары ұсынған деректерге сәйкес 2021 жылғы 1 тамызда жергілікті уақытымен сағат 07.00-дегі жағдай бойынша Арал ауданының Аққұм және Шиелі ауданындағы Талаптан ауылдық округтеріндегі 2 сайлау учаскелерінде дауыс беруге кірісті, – деп хабарлайды Қызылорда облысы әкімдігінің ресми сайты.

Сайлаушылардың сайлау учаскелеріне келуі туралы келесі ақпарат аумақтық сайлау комиссияларының интернет-беттерінде Нұр-Сұлтан уақыты бойынша сағат 11.00-де, 16.00-де және сайлаушылардың келуінің алдын ала қорытындылары туралы ақпарат 21.00-де ұсынылатын болады.