» » Үнемі фейк ақпарат тарататын аккаунт анықталды

Үнемі фейк ақпарат тарататын аккаунт анықталды

Полиция жалған хабарламалардың авторын анықтады, деп хабарлады Ішкі істер министрлігінің баспасаөз қызметі.

Әлеуметтік желілерді бақылау кезінде ішкі істер органдары Instagram-да “Qaznews24” аккаунтын тапты, оның парақшасында жалған хабарламалар үнемі жарияланып тұратын. Бұл аккаунтта орналастырылған ақпарат тұрғындардың екітүрлі реакциясын тудырды, өйткені олар халыққа дұрыс емес ақпарат беріп, азаматтарды адастырды. Мысалы, “Жылына бір рет – қазақстандықтардың шетелге шығуына шектеу қойылады”, “683 432 теңге қазақстандықтың 2021 жылғы орташа айлық жалақысы – Ұлттық статистика бюросы”, “ҚР Мәдениет және спорт министрі Ақтоты Райымқұлова мефедронды заңдастыруды ұсынды…”, “Зорлау және жыныстық қысым көрсету баптарын қылмыстықтан әкімшілікке ауыстырады”, “Мәжіліс депутаттары депутаттардың кірістері мен мүлкін міндетті түрде декларациялау туралы заңды кері қайтарып алды”, “Қазақстандықтарға шетелге шығу үшін көші-қон полициясынан шығу визасын алулары керек” және тағы басқа тақырыптағы басылымдар үлкен резонанс тудырды.
5,5 мыңнан астам жазылушы жалған ақпаратты алып отырды. Бұл хабарламалардың қисынсыздығына қарамастан, қолданушылар белсенді түрде репост жасап, жедел хабарламалар арқылы бір-біріне жалған жаңалықтар жіберіп, скриншоттар жасап, оларды басқа ақпараттық ресурстарға көшіріп отырды. Анықталмаған ақпаратты жариялау фактісі бойынша ҚР ҚК-нің 274-бабы 2-бөлігіне сәйкес сотқа дейінгі тергеу жүргізіледі. Тергеу-жедел іс-шараларын жүргізу барысында жалпыға ортақ парақшаны ашқан – 25 жастағы Алматы қаласының тұрғыны анықталды - делінген хабарламада.
Тергеу әрекеттерін жүргізу үшін ол полицияға жеткізілді. Бірқатар сот-медициналық сараптамалар тағайындалды. Тергеу амалдары жалғасуда. Ішкі істер органдары тағы да азаматтарға жалған ақпарат таратудың жол берілмейтіндігін, мемлекеттік органдардың тек ресми ақпараттарына сенім арту қажеттілігін, сондай-ақ, жалған хабарлама таратқаны үшін қылмыстық жауапкершіліктің бар екендігін тағы да еске салады.
 baq.kz
16 мамыр 2021 ж. 702 0

PDF нұсқалар мұрағаты

№24 (10289)

23 наурыз 2024 ж.

№23 (10288)

19 наурыз 2024 ж.

№22 (10287)

16 наурыз 2024 ж.

Суреттер сөйлейдi

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031