Сыбайлас жемқорлықпен күрес күн тәртібінен түспейді
Ауданда "Ақмешіт-адалдық алаңы" жобалық кеңсесінің жұмысын үйлестіру әлеуметтік жобасы аясында жұмысшы топ мүшелері Тәйімбет Көмекбаев атындағы №250 мектеп_лицейінде болды.
Мектеп-лицей директоры Г.Мұнарбаева жұмысшы топ өкілдеріне мектептегі мемлекеттік көрсетілетін қызметтердің жай-күйімен таныстырды. Әрі қарай жұмысшы топ мүшелері ұстаздар қауымымен кездесті.
Кездесу барысында аудандық ішкі саясат бөлімінің бас маманы Н.Бейбітов, "Ұлт бірлігі - Қармақшы" қоғамдық бірлестігінің төрағасы, жұмысшы топ төрағасы Ш.Құндақбаев "Ақмешіт-адалдық алаңы" жобалық кеңсесі аясында атқарылып жатқан жұмыстар туралы мәлімет беріп, сыбайлас жемқорлықпен күресуге қоғам болып қатысуға шақырды.
