Аудандық пробация бөлімінің бақылауында тұрған жастармен кездесу өткізілді
Қармақшы аудандық жастар ресурстық орталығы мен Аудандық пробация бөлімінің біріге ұйымдастыруымен арнайы есепте тұрған, бақылауға алынған және жұмыссыз жастармен жеке кездесулер өткізілді.
Аудан әкімдігінен, Аудандық жұмыспен қамту және әлеуметтік бағдарламалар бөлімінен арнайы мамандар шақыртылып жастармен тілдесті. Жастар әр сала мамандарына өздерінің мәселелерін айтып, болып жатқан оқиғаларын баяндады.
Жұмыссыз жастардың басым көпшілігі кәсіпкерлікке ынталары мен ниеттері бар екендіктерін жеткізді. Алдағы уақытта жастардың мәселелерін шешу жолында бірнеше жұмыстар жүзеге асатын болады.
