Аудан прокуроры басқа қызметке ауысты

Қармақшы ауданының әкімі Қалдарбеков Мұса Оспанұлы аудан әкімінің мәжілісінде Қармақшы ауданының прокуроры Сейтжанов Ербол Смағұлұлын басқа қызметке ауысуына байланысты арнайы қабылдады.

Ербол Смағұлұлы осы саланы басқарған кезеңінде ауданымызда қоғамдық тәртіп пен тұрғындардың қауіпсіздігін қамтамасыз етуде бірқатар жұмыстар атқарылды.

2017 жылдың қараша айынан бастап қызметін жоғары деңгейде атқарып, ауыр санаттағы қылмыстар, бұзақылық, топтасып төбелесу, қоғамдық орындарда жасалатын қылмыстардың азаюына қол жеткізілді.

Жиынды қорытындылаған аудан басшысы Ербол Смағұлұлының алдағы жұмысына сәттілік тілеп, алғыс хат табыстады.