Көлік жүргізу құқығынан айырылды

Қармақшы аудандық сотында ҚР ӘҚБтК-нің 608-бабының 1-бөлігімен азамат Р.-ға қатысты әкімшілік ісі қаралды.

Істің мәні бойынша азамат Р. Төретам кенті, Ғ.Мұратбаев көшесі бойында «NEXIA DAEWEOO» маркалы автокөлігін масаң күйінде басқарған.

Сот отырысында құқық бұзушы азамат Р. өзінің кінәсін толық мойындаған.

Сот қаулысымен азамат Р. Қазақстан Республикасының «Әкімшілік құқық бұзушылық туралы» Кодексінің 608-бабы 1-бөлігі бойынша кінәлі деп танылып, 15 тәулікке әкімшілік қамаққа алынып, 7 жылға көлік жүргізу құқығынан айыру түрінде әкімшілік жаза тағайындалды.