8 наурызда ауа райы қандай болады?
Синоптиктер 8 наурызда ауа райы қандай болатынын айтты, - деп хабарлайды Tengrinews.kz тілшісі "Казгидромет" РМК орталығына сілтеме жасап. Ақпарат бойынша, алдағы тәуліктерде оңтүстікте, оңтүстік-шығыста, шығыста арктикалық фронттың өтуіне байланысты жауын-шашын, қар жауады.
– Бірақ республиканың солтүстік және батыс облыстарына жылжыған суық және кең антициклон, қалған аумақтарға да тез тарайды. Сондықтан 8 Наурыз мерекесі күні Қазақстанда салқын, бірақ ала бұлтты және жауын-шашынсыз ауа райы күтіледі, – делінген хабарламада.
Бірақ дүйсенбіде республиканың батыс облыстарына Қара теңізден жылы ауа массалары келеді, олар Қазақстанның қалған аумағында да суықты тез шығарады.
