Мұнай бағасы күрт төмендеді
Фото: Ашық дереккөз
АҚШ пен Иран арасындағы екі апталық бітім туралы мәлімдемеден кейін мұнай бағасы 13-17%-ға төмендеген. Нәтижесінде Brent маркалы мұнайдың құны барреліне 93 доллардан төмендеді, деп жазады Egemen.kz.
CNN мәліметінше, бұл өзгеріс АҚШ президенті Дональд Трамптың бітім жөніндегі мәлімдемесінен кейін тіркелген. Нарық қатысушылары үшін геосаяси шиеленістің бәсеңдеуі мұнайға деген қысымды әлсіретті.
Сарапшылардың айтуынша, геосаяси тәуекелдердің төмендеуі инвесторлардың ұсынысқа қатысты алаңдаушылығын азайтты. Бұған дейінгі шиеленістер мұнай жеткізіліміне қауіп төндіруі мүмкін деген қорқыныш туғызған еді. Енді жағдайдың тұрақтануы бағаның төмендеуіне ықпал етті.
Сонымен қатар Азия мен Американың қор нарықтары өсім көрсетті. Dow Jones индексінің фьючерстері 2%-ға, S&P 500 акциялары 2%-дан астамға, ал Nasdaq шамамен 2,5%-ға өсті. Жапонияның Nikkei 225 индексі қатарынан 5%-ға жуық, ал Оңтүстік Кореяның Kospi индексі 5,7%-ға жоғарылады.
