Маңғыстау облысында 13 «Келешек мектеп» салынады
Маңғыстау облысында «Келешек мектептері» ұлттық жобасы аясында жалпы саны 12 мың 600 оқушыға арналған 13 білім ұясын салу көзделіп отыр. Бүгінге дейін төртеуі ел игілігіне тапсырылса, алдағы екі айда тағы тоғыз мектеп ашылады.
Оның бірі тұрғын саны жоғары деген Мұнайлы ауданының Батыр ауылында бой көтереді. Мұндағы Самал шағын ауданындағы мектептің құрылысы толық аяқталып, қазір іші жабдықталып жатыр. Білім ұясы 1 мың 200 балаға арналған.
