Чилиде күннен қуат алатын көліктердің жарысы өтеді.
Сайыста бағын сынау үшін әлемнің түкпір-түкпірінен 11 команда келген. Қашықтығы 2600 шақырымды құрайтын сайыс 8 күнге созылып, Атакама шөлінде аяқталады. Ұйымдастырушылардың айтуынша, бәйге тартысты өтпек. Өйткені көліктер әлемдегі ең құрғақ шөлде өткелі отыр. Ал қазір қатысушылар көліктерін сайлап, додаға дайындалып жатыр. Олардың басым бөлігі Чилиден, ал қалғандары Бельгия, Боливия және Колумбия елдерінің өкілдері.
Дэниель Гомез, төреші:
- Бельгия құрамасына бұл додада қиындау болуы мүмкін. Өйткені олар мұндай ыстықта жарысып көрмеген. Ал жергілікті құрама құрғақ шөлде еркін қозғалады. Басқа елден келгендер белгілі бір стратегияны ұстануы керек.