Криштиану Роналду Өзбекстанда ойнайды
Жеребеде португалиялық атақты футболшы Криштиану Роналду ойнайтын Сауд Арабиясының «Әл-Наср» клубының қарсыласы болып Өзбекстанның Ташкент қаласының «Пахтакор» командасы анықталды.
Бірінші матч Ташкентте болады. Осы матчта «Әл-Насрдың» құрамында Роналду ойнауы мүмкін.
Азияның басты клубтық турнирінде «Пахтакор» өз алаңында «Әл-Насрдан» басқа, Иранның «Эстеглял» мен «Трактор», сондай-ақ Сауд Арабиясының «Әл-Кадисия» жасақтарымен жасыл алаңға шығады. Ал сырт алаңдағы ойындарда ташкенттіктер «Әл-Ахли», «Эйр Форс», «Әл-Хилял» мен «Әл-Иттихадпен» бақ сынайды.
Өзбекстанның тағы бір клубы Ферғана қаласының «Нефтчи» командасы өз алаңында «Әл-Ахли», «Эйр Форс», «Әл-Хилял» мен «Әл-Иттихадпен» ойнаса, сырт алаңда «Эстеглял», «Әл-Наср» (Роналдудың командасы), «Трактор» мен «Әл-Кадисиямен» кездеседі.
Еске сала кетсек, жақында Роналду «Әл-Наср» мен Роналду футболдағы мансабын қашан аяқтайтынын айтқан еді. Ол келесі футбол маусымында жасыл алаңнан кетуі мүмкін екенін жоққа шығармады.
Ал «Әл-Наср» клубының қаржылық жағдайын күн өткен сайын қиындап барады деген әңгіме де бар. Клубтың қазіргі қарызы 200 млн доллардан асқан көрінеді. Сауд Арабиясының жетекші спорт басылымы Arriyadiyah-тың хабарлауынша, клуб басшылығына қаржылық жағдай реттелмейінше жаңа ойыншылармен келісімшарт жасауға тыйым салынған.
