Аустралияның бастамасынан кейін германиялықтар да балаларға әлеуметтік желіні шектеуді қолдады
YouGov социологиялық институтының сауалнамасының қорытындысы бойынша балалар мен жасөспірімдердің әлеуметтік желілерге тіркелуіне тыйым салатын заңды Германия тұрғындарының 77%-ы қолдады. Бұл туралы Stan.kz ақпарат агенттігі DW сайтына сілтеме жасап хабарлайды.
Германиялықтардың басым көпшілігі әлеуметтік желілер балалар мен жасөспірімдерге теріс әсер етеді деп санайды. Респонденттердің 82%-ы осылай сенімді жауап берді. Тек 9%-ы TikTok, Instagram және Facebook-тің балаларға кері әсері жоқ деп есептеген.
Еске салсақ, Аустралия бірінші болып балаларға әлеуметтік желіге кіруге тыйым салатын заңды қабылдаған еді.
